Привремениот либански премиер Наџиб Микати се закани дека ќе ја испрати либанската армија во најголемиот палестински бегалски камп во земјата, каде во борби во последните денови загинаа повеќе од десет луѓе, многу повеќе беа ранети, а илјадници беа раселени.

Во телефонски разговор, Микати го повика претседателот на Палестинската управа, Махмуд Абас да обезбеди прекин на непријателствата меѓу палестинските фракции во кампот Ајн ел Хилве.

Микати ги нарече судирите „флагрантно кршење на либанскиот суверенитет“ и рече дека е неприфатливо групите „да го тероризираат либанскиот народ, особено луѓето на југот кои со години ги прифаќаат Палестинците“, се вели во соопштението објавено од неговата канцеларија.

Борбите во близина на јужниот пристанишен град Сидон траат од неделата, но во четвртокот имаше затишје.