Германскиот канцелар Фридрих Мерц ја обвини партијата Алтернатива за Германија (АфД) дека ја поддржува Русија на штета на германските интереси и дека промовира антиимиграциска политика која ја спореди со „етничко чистење“, објави Ројтерс.

Обраќањето на Мерц пред Бундестагот следува откако неговата партија оствари значително послаб резултат од АфД на изборите минатиот викенд. АфД победи во источната сојузна покраина Саксонија-Анхалт со својата антиимиграциска платформа.

Партијата претходно ги отфрлаше обвинувањата за екстремизам, оценувајќи дека станува збор за ширење страв и навреда за нејзините гласачи.

„И луѓето со мигрантско потекло работат во стручни професии“, рече Мерц.

„Ако се оствари она за што овде се залагате – таканаречената ремиграција – тоа во практика е етничко чистење врз основа на потеклото и бојата на кожата“, изјави германскиот канцелар.