Заменик-претседателот на Советот за безбедност на Русија, Дмитриј Медведев, изјави дека Олимписките игри во Париз се чист срам и дека олимпиското движење треба да се разбие и повторно да се изгради на транспарентни спортски принципи.

Медведев додаде дека светските спортски организации и меѓународното олимписко движење долго време претставуваат бирократски, корумпирани заедници.

Според него, спортските функционери се главно „помпезни, важни лидери на меѓународните федерации со чаши скап шампањ и сјај во очите“, но всушност тоа се „безлични корумпирани функционери за кои затворот плаче“ и кои ги интересираат само „бескрајните забави, фрлање пари, навестувања, сојузи и други криминални глупости“.

„Она што може да се види таму е чист срам“, рече тој.

„Поентата не е во тоа што не избркаа од некаде и нè прогласија за светски негативци. Немам илузии – спортот стана голем бизнис. Се чини дека дојде време сè во таа криминална организација да биде разбиено по ѓаволите и организацијата повторно да се изгради – на чисти, транспарентни спортски принципи. Според заветите на Пјер де Кубертен. Да живее МОК 2.0!“, напиша Медведев на својата страница на мрежата „ВКонтакти“, коментирајќи ги Олимписките игри кои започнаа во Франција.