Кралот на Мароко Мохамед Шести помилува речиси 5.000 лица осудени или барани по обвиненија поврзани со нелегално одгледување канабис, соопшти Министерството за правда на земјата.

Мароко е голем производител на канабис и во 2021 година дозволи одгледување, извоз и користење на ова растение за медицински и индустриски цели, додека рекреативната употреба се уште е нелегална, пишува Ројтерс.

Помилувањето на кралот Мохамед Шести може да ги поттикне фармерите „да се вклучат во правниот процес на одгледување канабис за да ги подобрат нивните приходи и услови за живот“, изјави за Ројтерс Мохамед Ел Геруџ, шеф на регулаторното тело за канабис во Мароко ANRAC.