Унгарскиот претседател Тамаш Сулиок ги одби повиците на новиот премиер Петер Маѓар да поднесе оставка, оценувајќи дека не постои правна или уставна основа за таков потег.

Во интервју, Сулиок порача дека ќе остане на функцијата и ќе го исполни својот мандат.

Партијата ТИСА на Маѓар во април ја порази партијата Фидес на Виктор Орбан, ставајќи крај на нивното 16-годишно владеење.

Маѓар претходно побара оставки од Сулиок и други функционери именувани за време на Орбан, нарекувајќи ги „марионети“. Тој најави дека, доколку претседателот не се повлече, неговото парламентарно мнозинство ќе иницира измени на уставот и законите за да го принуди да ја напушти функцијата.

Во реакција на интервјуто на Сулиок, Маѓар на Фејсбук напиша: „Мораш да си заминеш! И ќе си заминеш“.