На аеродромот „Лутон“ во Лондон денеска беа обновени летовите, по повеќе од 17 часа прекин предизвикан од пожар.

Во соопштението од аеродромот „Лутон“ на социјалните мрежи, се наведува дека „пистата сега е отворена, а авионите почнаа да слетуваат и полетуваат“, објави Ројтерс.

Според извештаите, голем пожар го зафатил паркингот на терминалот, кој се проширил откако автомобил се запалил.

Би-би-си објави дека 15 противпожарни возила учествувале во гаснењето на пожарот кој зафатил половина од катната зграда.

Катниот паркинг на терминалот претрпел „значителна структурална штета“ а до 1.200 возила можеби биле на паркингот во моментот на пожарот и можеби биле оштетени потоа, соопшти противпожарната служба на округот Бедфордшир.

Четворица пожарникари и еден аеродромец се пренесени во болница поради вдишување чад.

Стотици луѓе во тоа време беа во „Лутон“, без начин да се вратат дома, а многумина потврдија дека нивните автомобили биле паркирани, пренесува медиумот.

Лондонскиот аеродром „Лутон“ е петти по големина аеродром во ОК по Хитроу, Гетвик, Манчестер и Станстед, со повеќе од 13 милиони патници во 2022 година.