Кина денеска отвори нова брза железница во провинцијата Сечуан, која го поврзува главниот град на таа покраина Ченгду со градовите Цигунг и Џибин.

Брзата пруга Ченгду-Зигунг-Џибин, која има проектна брзина од 350 километри на час, има 12 станици долж рутата долга 261 километар во југозападна Кина.

Поради комплицираниот терен, новата пруга има 231 мост и 29 тунели, рече Џанг Жонгвеи, менаџер на компанијата за брза железница Ченгду-Зигунг-Џибин, според Кинеското радио Интернационал (CRI). Новата железничка линија е дополнување на постоечката меѓу Ченгду и Гујанг, која има проектирана брзина од 250 километри на час.

Оваа пруга е дел од кинеската мрежа на брзи железници, која е фокусирана на околу осум главни вертикални линии што ги поврзуваат северот и југот и осум хоризонтални линии што ги поврзуваат истокот и западот на земјата, пренесува Танјуг.