Жена беше извлечена жива од урнатините доцна синоќа, речиси 24 часа откако делумно се урна хотел во западна Германија, при што загинаа две лица.

Портпаролот на противпожарната бригада изјави дека последната преживеана, заробена под урнатата зграда, била извлечена со ракоплескање на собраните во долината на реката Мозел.

Спасувачите биле во контакт со жената и се надевале дека ќе успеат да ја извлечат до крајот на денот.

Трагедијата се случила во вторникот вечерта кога се урнал еден кат од хотелот, а во него имало 14 лица.

Две лица загинаа. Жена родена 1961 година, чиешто тело беше пронајдено во средата попладне, и маж.

Пет лица веднаш успеале да побегнат од хотелот, но седум останале затрупани и сите се спасени.

Меѓу спасените имаше и двегодишно дете, неговата мајка и татко, кои се здобиле со сериозни повреди.

На фотографиите од местото на настанот се гледаат срушени делови од зградата и бетонски остатоци на земја.

Во тек е истрага за да се утврди зошто се урна хотелот. Локалните власти соопштија дека структурата на самата зграда најверојатно потекнува од 17 век, а во вторникот исто така се изведувале градежни работи во хотелот.