Гардијан објави дека израелските медиуми пишуваат дека премиерот Бенјамин Нетанјаху размислува да го отпушти својот министер за одбрана Јоав Галант.

Водечките израелски телевизиски канали и веб-страници за вести објавија дека Нетанјаху, под притисок на екстремно десничарските коалициски партнери, размислува да го отпушти Галант и да го замени со поранешен сојузник, кој сега е член на опозицијата, Гидеон Сар.

Според Гардијан, Нетанјаху ги отфрлил повиците на Галант и други да се прифати повлекувањето на израелските војници од јужниот пограничен регион на Појасот Газа со цел да се постигне договор за прекин на огнот со Хамас.

Галант, кого Нетанјаху се обиде да го отпушти во 2023 година, отворено ја критикуваше целта на Нетанјаху да постигне „тотална победа“ во Газа, нарекувајќи ја „глупост“, пишува медиумот.

„Наместо премиерот да биде зафатен со поразување на Хамас, да ги враќа заложниците, да води војна против Хезболах и да им дозволи на северните жители да се вратат во своите домови, тој е зафатен со одвратни политички работи и да го отпушти министерот за одбрана“, рече Бени Ганц, лидер на десничарската партија Национално единство и главен политички ривал на Нетанјаху.