Израелските сили се уште се борат со вооружените сили на Хамас на седум до осум локации во јужен Израел во близина на Појасот Газа, соопштија израелските одбранбени сили на брифингот утринава.

Ова го вклучува Беери, аграрна заедница, во која преку ноќ беа инфилтрирани борци на Хамас. Многу милитанти се убиени, но други се уште се кријат во куќи, соопшти ИДФ, пренесе Би-би-си.

Израелската војска додаде дека погодила повеќе од 1.000 цели во Газа.

„Размерот на оваа операција е нешто сосема поинакво… Потребно е подолго отколку што очекувавме да ги вратиме работите на одбранбена, безбедносна позиција“, рече потполковникот Ричард Хехт на брифингот со новинарите.

Околу 1.100 луѓе се потврдени убиени во Израел и Газа од нападите во саботата. Околу 123.000 луѓе се раселени во Газа поради воздушни напади, според ОН.