Египетското Министерство за надворешни работи соопшти дека Израел предизвикува „големи логистички проблеми“, што го блокира доставувањето на витална хуманитарна помош во Газа.

Камиони полни со помош чекаат на преминот Рафа, кој е на границата меѓу Египет и Газа.

„Жално е што процесот на транспорт на помош во Појасот Газа се соочува со големи логистички проблеми наметнати од израелската страна“, изјави портпаролот на египетското Министерство за надворешни работи.

Ова доаѓа во време на светските повици за привремена пауза во непријателствата за да се овозможи пристап до помошта до опколените цивили во Појасот Газа.