Иранскиот претседател Масуд Пезешкијан синоќа постави услови за евентуален крај на војната со Израел и САД, вклучувајќи „цврсти меѓународни гаранции“ што би обезбедиле траен прекин на сите напади.
„Во разговорите со лидерите на Русија и Пакистан, ја потврдив посветеноста на Иран на мирот во регионот. Единствениот начин да се заврши оваа војна, која ја започнаа ционистичкиот режим и САД, е преку признавање на легитимните права на Иран, исплата на репарации и цврсти меѓународни гаранции против идна агресија“, објави иранскиот претседател на Икс.
در تماس با روسای دولتهای روسیه و پاکستان ضمن اعلام التزام جمهوری اسلامی به صلح و آرامش در منطقه، تاکید کردم تنها راه پایان جنگی که با آتشافروزی رژیم صهیونیستی و آمریکا آغاز شده پذیرش حقوق مسلم ایران، پرداخت غرامت و الزام قاطع بینالمللی به عدم تجاوز مجدد آنان است. https://t.co/T48UzJf3M6
— Masoud Pezeshkian (@drpezeshkian) March 11, 2026
Тој не прецизираше на кои права мисли. Набљудувачите на иранската внатрешна политика велат дека Пезешкијан можеби мислел на назначувањето на нов врховен лидер и потребата од меѓународно признавање.
Претседателот на САД, Доналд Трамп, претходно оваа недела изјави дека „не е задоволен“ од назначувањето на Моџтаба Хамнеи за нов врховен лидер и шеф на државата на Иран, велејќи дека синот на убиениот Али Хамнеи треба да очекува значителни тешкотии.
„Не верувам дека може да живее во мир“, рече Трамп.
