– Иранската новинарка Назила Марофијан денеска изјави дека е привремено ослободена од озлогласениот затвор Евин во Техеран, откако платила кауција.

Новинарката беше уапсена на 29 ноември 2022 година, откако објави интервју со Амјад Амини, татко на 22-годишната Махса Амини, чија смрт во септември 2022 година предизвика протести низ целата земја.

Во интервјуто, Амини откри дека заменикот на Организацијата за правна медицина, официјалното судско тело кое обезбедува вештачења за судовите, му рекол дека за причината за смртта на Махса „ќе напише што сака“ и „што е во интерес на земјата“ .

Во февруари 2023 година, Марофијан беше осудена од Револуционерниот суд за објавување на интервјуто, и покрај тоа што не доби соодветна судска расправа или што не и беше дозволено да се брани, пренесува Радио Слободна Европа.

Загриженоста за нејзиното здравје беше изразена откако активистите за човекови права рекоа дека таа била накратко хоспитализирана на 5 август „поради забрзан пулс и стрес“.