Неколку истражители на бразилските воздухопловни сили работат со колеги од три други земји за да ги анализираат податоците за азербејџанскиот патнички авион што се урна во Казахстан на 25 декември, при што загинаа 38 луѓе.

Авионот Embraer 190 од бразилско производство бил на пат од главниот град на Азербејџан Баку кон Грозни на Северен Кавказ кога бил пренасочен, пренесе АП.

Се урнал додека се обидувал да слета во близина на градот Актау откако прелетал стотици километри источно преку Каспиското Море.