Западните сојузници ќе испратат на Украина гранати од 152 милиметри во вредност од околу 350 милиони евра, соопшти денеска холандското Министерство за одбрана, по разговорите за време на дводневниот состанок на министрите за одбрана на НАТО во Брисел.

Наредбата ќе биде извршена преку Меѓународниот фонд за Украина (IFU), механизам за финансирање кој користи финансиски придонеси од меѓународни партнери, вклучително и Холанѓаните, за набавка на воена опрема за Украина, додаде Министерството.

Во претходните испораки на муниција, Украина најмногу добиваше гранати од 155 милиметри за хаубици донирани од Западот, пренесува Ројтерс.