Бурата Рената стигна и до Романија, каде што беа издадени предупредувања за поплави поради силните бури и дождови.

Издадени се предупредувања за поплави за реките во шест окрузи, додека половина земја е под метеоролошки предупредувања за невреме и дожд.

На планините врнежите се претворија во лапавица и снег.

Во средата наутро снежниот слој изнесуваше 52 сантиметри во туристичката област Балеа Лац, на над 2.000 метри во планините Фагарас, каде температурата е само два степени.

Најголеми проблеми на западот од земјава предизвика ветерот кој урна дрвја и билборди.

Вработени во Службата за вонредни состојби интервенирале во повеќе градови низ Романија.

Засега нема информации за жртви.