Полиција ја уапси шведската активистка Грета Тунберг на денешните протести против израелската војна во Газа на Универзитетот во Копенхаген, објави данскиот „Екстра бладет“.
Тунберг на нејзиниот Инстаграм профил сподели видео снимено пред зградата на универзитетот и додаде дека полицијата ги растера демонстрантите.
„Студентите и јас сме во административната зграда на Универзитетот во Копенхаген“, рече таа.
Greta Thunberg anholdt i København:https://t.co/sE2JyZzcsq
— Ekstra Bladet Breaking (@ebbreaking) September 4, 2024
Групата студенти објави дека нема да ја напушти зградата додека Универзитетот во Копенхаген не ја прекине соработката со израелските образовни институции.
Како што изјави репортерот на „Екстра Блејд“ од местото на настанот, покрај Тунберг, полицијата уапсила уште неколку демонстранти.
