Германски борбени авиони беа испратени вчера за да пресретнат руски извидувачки авион Ил-20 над Балтичкото Море, објави „Дојче веле“ (DW). Двата „Еурофајтер“ авиони полетаа од воздухопловната база Росток-Лаге во Германија откако рускиот авион беше забележан со исклучени транспондери и без поднесен план за лет.

Не беа дадени детали за точната локација на средбата или колку долго траела. Ова е десетти ваков инцидент со германски авиони од почетокот на 2025 година. Во претходните инциденти, руски авиони полетаа од Калининград, упатувајќи се кон запад, во меѓународен воздушен простор во близина на Полска, Германија, Шведска и Данска.

Руските авиони често летаат без да користат транспондери, не поднесуваат планови за лет и не воспоставуваат контакт со регионалната контрола на воздушниот сообраќај, модел што претставниците на НАТО долго време го опишуваат како однесување со висок ризик, според медиумот.

Истиот анализира дека европските сојузници постојано предупредуваат дека континуираните воздушни провокации на Русија би можеле да доведат до опасна ескалација доколку не се реагира.

Фото: принтскрин