Германската влада ја одобри Стратегијата за одбранбената индустрија, која има за цел да им помогне на компаниите полесно да ги зголемат капацитетите и да го забрзаат производството на оружје, со оглед на моменталната безбедносна ситуација и конфликтот меѓу Украина и Русија.

„Сегашната заканувачка ситуација бара да ги подобриме клучните технологии во Германија“ наведоа во заедничката изјава министрите за одбрана и економија Борис Писториус и Роберт Хабек.

Писториус и Хабек утре ќе се сретнат со врвни претставници од германската одбранбена индустрија за да разговараат за стратегиите, но не се очекуваат поголеми одлуки.

Како што објави Ројтерс, Германија инвестирала 100 милијарди евра во фонд за зајакнување на војската по години критики дека трошат премалку за одбрана.

Во согласност со стратегијата, германската влада сака повеќе да се фокусира на условите на финансиската рамка на индустријата, со цел да се задржи квалификуваната работна сила.