Владата на Бангладеш денеска одлучи да воведе полициски час низ целата земја и да распореди војска поради протестите во земјата.
Официјалната одлука во врска со полицискиот час ќе биде издадена наскоро, изјави прес секретарот на премиерот Наџимул Ислам Кан за Би-Би-Си Бангла, пренесува Ројтерс.
Како што беше претходно објавено, најмалку три лица загинаа денеска кога полицијата ги растури студентските протести кои демонстрираа против владините квоти за вработување и покрај забраната за јавни собири, објавија локалните медиуми.
Полицијата употреби солзавец за да ги растера демонстрантите во некои области, објави Ројтерс.
Новинар на британската агенција рече дека може да види пожари низ главниот град Дака и чад како се издигнува кон небото на неколку места.
🔥Rioting broke out in Leeds. Children being forcibly removed from family by social services. Bangladesh flame in London. Police car ransacked.#LondonRiot #BangladeshBleeding#BangladeshiStudentsareinDanger #Save_Bangladeshi_students #AllEyesOnDhakaUniversity #quotaandolon2024 pic.twitter.com/a33KqeuPaj
— B U N N Y (@flyup26) July 20, 2024
Телекомуникациите се во прекин, а каналите за информирање се затворени.
Претходниот ден властите суспендираа некои услуги на мобилни телефони во обид да ги смират немирите.
Бенгалскиот весник „Протом Ало“ објави дека железничкиот сообраќај е прекинат низ целата земја бидејќи демонстрантите ги блокирале патиштата и фрлале цигли врз безбедносните службеници.
За време на вчерашните протести во 47 од 64 окрузи во Бангладеш загинаа 27 лица, а 1.500 беа повредени.
Urgent update from Bangladesh:
The government has imposed a curfew and deployed military forces following tragic protests resulting in 105 casualties.
Stay informed. #Bangladesh #Curfew #MilitaryDeployed #bangladesh_quotha_movement #TragicProtests #StaySafe pic.twitter.com/zondpVUQGQ
— कवि: आलोक “अज्ञात” नौटियाल (@alokntyl) July 20, 2024
Студентите повикуваат на општа блокада барајќи укинување на одлуката за резервирање квоти во јавниот сектор за децата на оние кои се бореле во војната за независност од Пакистан во 1971 година, а протестите исто така избувнаа поради незадоволството поради високата невработеност.
Во Бангладеш, речиси една петтина од 170 милиони луѓе се без работа или образование.
