Две лица загинаа во престрелка што се случи на Велика сабота во Бад Наухајм, Германија.
Страшно злосторство се случило во мирен дел од градот, пред станбена зграда. Според полицијата, двајца мажи се убиени, а убиецот е во бегство.
Според очевидци, прво се слушнале истрели, а потоа непрекинато се слушале врисоци – набрзо потоа двајца мажи лежеле мртви.
Еден човек кој бил во посета на своите родители ги раскажал за Билд драматичните моменти веднаш по злосторството.
🔴In Bau Nauheim in Hessen läuft ein Großeinsatz der Polizei. Nachdem am Samstagabend zwei Menschen niedergeschossen wurden, sperrten Beamte den Tatort weiträumig ab; ein Hubschrauber kreist aktuell über der Stadt. https://t.co/VdyNTk0FIZ pic.twitter.com/v1bjEMKGUp
— NIUS (@niusde_) April 19, 2025
„Штотуку се вративме од прошетка кога слушнавме за шест истрели“, се присетува тој. Недолго потоа се слушнаа непрекинати врисоци.
На почетокот не беше јасно што точно се случува. Кога погледнал низ прозорецот, можел директно да го види местото на злосторството. Пред зграда со неколку станови, во мирна станбена зона, лежеа две тела.
„Надвор имаше многу луѓе. Цело време малото девојче се слушаше како вреска: „Тато!“, вели сведокот.
Набргу потоа полицијата пристигнала на местото на настанот и го обезбедила теренот. Специјалните единици ги обезбедуваа улиците, а полициски хеликоптер кружеше над градот.
