Филипинските власти соопштија дека ќе ја отстранат бариерата поставена од кинеската стража за да спречат филипински чамци да влезат во тој дел од Јужното Кинеско Море.
„Го осудуваме поставувањето на пловечки бариери од страна на кинеската крајбрежна стража. Со подигнување на бариери, Народна Република Кина ги крши традиционалните риболовни права на нашите рибари“, изјави филипинскиот советник за национална безбедност Едуардо Ано, пренесе АП.
Филипинските власти соопштија дека бариерата долга 300 метри на влезот во лагуната кај Скарборо Шол е „нелегална и нелегитимна“ и била поставена од бродовите на кинеската крајбрежна стража во петокот додека рибарски брод од филипинските власти им се приближувал.
LOOK | The Chinese coast guard deploys a ‘floating barrier’ in the South China Sea to prevent Filipino fishermen from entering and fishing in the contentious area.
The Philippines condemns this action and accuses China of denying its fishermen their livelihoods.
📷 PCG pic.twitter.com/sqs4doGvJB
— Newsline World (@Newsline_World) September 25, 2023
Ано во изјавата рече дека Филипините „ќе ги преземат сите соодветни активности за да ги отстранат бариерите и да ги заштитат правата на нашите рибари во таа област“.
Кина тврди дека има 90 отсто од Јужното Кинеско Море и делот што се преклопува со ексклузивните економски зони Виетнам, Малезија, Брунеи, Индонезија и Филипините.
Официјален Пекинг ја презеде контролата врз зоната Скарборо Шол во 2012 година и ги принуди рибарите од Филипините да патуваат на пооддалечени локации каде што ловат помалку.
Меѓутоа, Кина им дозволи на филипинските рибари да ловат риба во областа Скарборо Шол во периодот кога билатералните односи со Филипините се подобруваа во времето на поранешниот претседател Родриго Дутерте.
Тензијата повторно ескалира откако минатата година на власт дојде новиот претседател на Филипините, Фердинанд Маркос Јуниор.
Филипинската крајбрежна стража и Бирото за рибарство и водни ресурси открија пловечка бариера долга околу 300 метри од Скарборо Шол за време на рутинска патрола во петокот.
Филипинските рибари велат дека Кина обично поставува такви бариери кога ги следи активностите на голем број рибарски бродови во областа.
