Минатата недела во Неапол беше уапсен фалсификатор кој испечатил 11 милиони евра лажни банкноти, објави Европол.

Европол објави дека уапсениот, кој не е именуван, веќе продал осум милиони евра фалсификувани банкноти низ цела Европа и додаде дека полицијата од него запленила речиси три милиони евра фалсификувани банкноти.

„Покрај тоа, се верува дека уапсениот фалсификатор е одговорен за повеќе од 27 отсто од сите откриени фалсификувани банкноти на евра повлечени од оптек само во 2023 година“, објави Европол.

Во апсењето учествувала и француската полиција, бидејќи голем дел од фалсификуваните банкноти биле пуштени во оптек во Франција.