Една жена е повредена само затоа што случајно одела пред Здружението на бранители во Лесковац кога во него експлодирала плинска боца.

Парче од стакло и го пресече лицето, и итно е пренесена во болница, потврди новинар на лице место.

„Жената се чувствува добро и по укажаната помош е пуштена дома. Инаку, таа е во рана бременост, па направивме и детални прегледи“, вели директорот на лесковачката општа болница Небојша Димитријевиќ.

Шанкот целосно изгорел, а пожарникарите набрзина успеале да го локализираат пожарот за да не се прошири на другите околни згради.

Инаку, пожарот се уште се гаси, а улицата во моментов е затворена за сообраќај. Исто така, во овој дел од градот нема струја.