Патник починал за време на лет во авион на Рајанер, пренесува Билд.

Според медиумите, инцидентот се случил во неделата вечерта во авион кој летал од Тирана, Албанија за Манчестер, Англија.

Авионот принудно слета во Лондон.

Според извештаите на медиумите, авионот веќе ги прелетал Швајцарија и Франција кога се случил инцидентот. Спасувачките екипи чекале на аеродромот Станстед во Лондон, но за жал можеле само да ја потврдат смртта на патникот.

Станува збор за маж, но засега не се знае колку години имал, ниту околностите на неговата смрт.

Портпаролот на службата за брза помош на Источна Англија го потврди инцидентот.