Католичката црква криела повеќе од 3.000 Евреи во Рим за време на Втората светска војна, покажуваат документите објавени денеска.

Документите на Папскиот библиски институт содржат имиња на 3.600 луѓе на кои им помагале католичките монаси. Во споредба со документите на римската еврејска заедница, утврдено е дека 3.200 биле Евреи.

Овие податоци ги собрале Језуитите по ослободувањето на Рим во јуни 1944 година. Италијанскиот историчар Ренцо де Феличе ги користел во своето истражување во 1961 година, но тие со децении се сметале за изгубени.

Улогата на Ватикан во нацистичка Германија

Улогата на Ватикан за време на нацистичкиот период во Германија и Австрија и фашистичкиот режим на Бенито Мусолини во Италија продолжува да предизвикува контроверзии.

Папата Пие XII, кој владееше со црквата од 1939 до 1958 година, е критикуван од историчарите дека соработувал со нацистичка Германија и молчи за холокаустот. Сепак, некои историчари го бранат.

Папата Франциско нареди да се објават сите документи и архивите се отворени од 2020 година. Помеѓу 10.000 и 15.000 Евреи живееле во Рим на почетокот на Втората светска војна, а повеќе од 2.000 биле убиени од нацистичките сили.

Окупацијата на градот траела девет месеци, додека не бил ослободен од сојузниците во јуни 1944 година.