Дете од Лас Вегас случајно се застрелало откако пронашло пиштол во дворот на градинка.

Момчето веднаш било пренесено во болница, а во петокот полицијата соопшти дека е во критична, но стабилна состојба.

Детето кое било помладо од пет години, пронашло огнено оружје и го подигнало од земја, а потоа пукало – изјавил Реџи Радер на полицискиот брифинг во петокот.

Според извештаите, детето го пронашло огненото оружје што тинејџер го фрлил во дворот откако пукал во друг млад човек.

Двајца тинејџери претходно се скарале во градски автобус, по што едниот млад човек пукал во другиот. Напаѓачот потоа, наводно, побегнал од автобусот, го прескокнал ѕидот во близина на градинката каде го фрлил пиштолот, пишува „Индипендент“.

Вториот млад човек е во болница но е во стабилна состојба, информираат од полицијата.

„Страшно и тажно, двегодишното дете го зеде пиштолот мислејќи дека е играчка“, изјавила една мајка за „NBC“.

„Не ни кажаа што се случило, само да дојдеме, дека е итен случај“, рекла тетка на девојче кое оди во градинка заедно со момчето.

Некои од родителите коментираат дека вработените во градинката требало да бидат повнимателни и да го најдат пиштолот пред детето.