Министрите за внатрешни работи на земјите-членки на Европската унија денеска во Брисел ќе разговараат за зголемениот број мигранти со кои се соочуваат дел од членките на Европската унија.

Министрите за внатрешни работи првенствено ќе се фокусираат на надворешниот аспект на миграцијата, но и ќе се обидат да најдат решение за поефикасно запирање на новите мигрантски бранови.

Најавено е дека посебно внимание ќе се посвети на планот на Европската комисија за решавање на притисокот што моментално го чувствува Италија. Но, ќе се зборува и за други миграциски рути, а еден од нив поминува и на територијата на Хрватска.

Со оглед на зголемениот мигрантски притисок, италијанската влада одобри зголемување на бројот на војници на улиците на нејзината земја, што треба да придонесе за исполнување на задачата таму, а тоа е добро познатата операција „Безбедни улици“ која има за цел да го потисне и целосно да го намали криминалот на улиците.

Италијанската армија најмногу ќе биде стационирана на железничките станици каде има зголемен број на мигранти и каде е забележан пораст на криминалот.