Четири лица загинаа, а две се водат за исчезнати во лизгање на земјиште во кинеската провинција Фуџијан, на југоистокот на земјата, јавува кинеската државна телевизија CCTV.

Обилните дождови кои започнаа во неделата попладне предизвикаа лизгање на земјиштето во кое се урнаа 378 куќи, пренесува Ројтерс.

Локалните власти ангажираа служби за итни случаи, а метеоролошката служба ги окарактеризираше врнежите како „екстремни“.