Бројот на жртви од поројните поплави во Тексас, на југот на САД, се искачи на 50, додека потрагата по десетици исчезнати деца продолжува, објавија локалните власти.

Силните поплави предизвикани од поројните дождови во петокот оставија 43 жртви во најтешко погодениот округ Кер и вкупно седум мртви во три други окрузи, изјавија локалните власти за АФП.

Меѓу исчезнатите се 27 млади девојчиња од летниот камп „Камп Мистик“. Градскиот менаџер на Кервил, Далтон Рајс, рече дека може да има повеќе исчезнати лица во регионот.

Властите претходно соопштија дека поплавните води се повлекуваат околу реката Гвадалупе, околу 137 километри северозападно од Сан Антонио, каде што беа спасени најмалку 237 лица, од кои повеќе од 100 со хеликоптер.

Претседателот Доналд Трамп рече дека ќе се грижи за нив кога беше прашан за федералната помош за катастрофи.