Британската полиција соопшти дека поднела обвиненија за тероризам против двајца тинејџери по истрагата за терористички активности, а тие денеска треба да се појават на суд.

Кривична пријава е поднесена против 18-годишен маж и 19-годишна девојка кои беа уапсени на 10 август во Хартфордшир, Англија, пренесува Ројтерс.

Рекс Вилијам Хенри Кларк од источен Лондон е обвинет за подготвување терористички акти, а Софија Виноградова од Хартфордшир, Англија, обвинета за подготвување терористички акти и собирање информации кои би можеле да му бидат корисни на лице кое подготвувало таков напад, прецизира полицијата.