Добротворна организација која работи со бездомници во Окленд, Нов Зеланд, несвесно им делела бонбони со потенцијално смртоносна доза на метамфетамин во нивните пакети со храна, откако слатките биле донирани од некој граѓанин.

Водачите на добротворната организација рекоа дека персоналот почнал да контактира до 400 луѓе за да ги откријат пакетите што би можеле да ги содржат спорните слатки, пренесува АП.

Државните власти соопштија дека три лица биле хоспитализирани откако ја конзумирале бонбоната, но подоцна биле пуштени од болница.

Количината на метамфетамин во секоја бонбона е до 300 пати поголема од нивото што некој нормално би ја користел, што можела да биде фатална за луѓето, соопшти Новозеландската фондација за дроги, која прва ги тестираше бонбоните.

Бонбоните биле донирани во изминатите шест недели и не е јасно колку од бонбоните биле наполнети со метамфетамин.

Метамфетаминот е моќен стимуланс кој предизвикува голема зависност и влијае на централниот нервен систем. Има форма на бел кристален прав без мирис, има горчлив вкус и лесно се раствора во вода или алкохол.