Претседателот на Боливија, Родриго Паз, прогласи вонредна состојба во земјата по речиси 50 дена антивладини протести и блокади на патишта кои предизвикаа сериозни нарушувања во снабдувањето со гориво, храна и лекови.
Одлуката му овозможува на државниот врв пошироки овластувања за воспоставување ред, вклучително и ангажирање на армијата за отстранување на блокадите на сообраќајниците.
Договор со синдикатите, но протестите продолжуваат
Паз ја соопшти мерката само еден ден по постигнувањето договор со најголемиот синдикат во земјата, Боливиска работничка конфедерација (COB).
Тој изрази надеж дека договорот ќе биде прв чекор кон надминување на кризата.
„Ако сакаме да одиме напред, мора сите да работиме заедно“, изјави Паз за време на средба во претседателската палата во Ла Паз.
Извршниот секретар на синдикатот, Марио Аргољо, оцени дека договорот претставува „зрак надеж“ за земјата.
Сепак, протестите продолжуваат во повеќе делови од државата, особено во регионот Кочабамба, каде организации блиски до поранешниот претседател Ево Моралес не учествуваа во преговорите и продолжуваат да бараат оставка од Паз.
Bolivia está haciendo una revolución. Los ponchos rojos rompe el cerco policial de la Paz pic.twitter.com/Q5SsRLf1bm
— aapayés (@aapayes) June 13, 2026
Кризата почна по намалувањето на субвенциите
Политичката и социјалната криза започна во мај, кога владата ги намали долгогодишните субвенции за гориво во обид да го намали буџетскиот дефицит и да се справи со недостигот на американски долари.
Иако властите подоцна презедоа мерки за стабилизирање на цените на горивата и повлекоа дел од непопуларните аграрни реформи, протестите се проширија поради растечките трошоци за живот, недостигот на гориво и недоволната достапност на странска валута.
BOLIVIA
🇧🇴 Breaking – Bolivia Turmoil: Dozens Injured as Security Forces Clash With Protesters in San Julian
June 7,2026
Anti-government protests and roadblocks are paralyzing Bolivia. Rural workers and trade unions are demanding the resignation of President Rodrigo Paz.… pic.twitter.com/GtU4ulEk6N
— Sid (@Trending_Sid) June 7, 2026
Милиони луѓе погодени од блокадите
Демонстрантите блокираа клучни патни правци, меѓу кои и сообраќајниците што ги поврзуваат Ла Паз и Ел Алто, каде живеат околу два милиони жители. Поради блокадите, камионите не можат навреме да доставуваат храна до пазарите, а болниците предупредуваат на недостиг од лекови и медицински материјали. Една од највлијателните рурални организации, федерацијата „Тупак Катари“, најави дека протестите ќе продолжат сè додека владата не ги исполни нивните барања, меѓу кои се ослободување на приведените демонстранти, поголемо почитување на домородните организации и решавање на економските проблеми во нивните заедници.
Најмалку 14 жртви
Според податоците на канцеларијата на боливискиот народен правобранител, од почетокот на кризата загинале најмалку 14 лица, додека некои извори наведуваат дека бројот на жртви достигнал 16. Меѓу загинатите има пациенти кои поради блокираните патишта не успеале навреме да стигнат до болница, како и работници од транспортниот сектор кои не добиле навремена медицинска помош. Кризата претставува едно од најголемите политички и социјални предизвици за Боливија во последните години, а неизвесно е дали прогласувањето вонредна состојба ќе придонесе за смирување на тензиите во земјата.
