Американскиот државен секретар Ентони Блинкен најави денеска повеќе од 700 милиони долари поддршка за Украина во војната против Русија, за време на посетата на Киев со неговиот британски колега Дејвид Лами.

Финансирањето на САД вклучува 325 милиони долари енергетска помош и речиси 290 милиони долари хуманитарна помош, рече Блинкен на прес-конференција, пренесе Ројтерс.

Според АП, украинските власти вршеле притисок врз посетителите да им дозволат да користат ракети со долг дострел обезбедени од Западот против цели во Русија.