Шефицата на германската дипломатија Аналена Бербок изјави дека ќе побара нови санкции против Москва, откако рускиот опозициски лидер Алексеј Навални ненадејно почина во затвор во северна Русија.
Видовме брутална сила со која рускиот претседател Владимир Путин ги репресира граѓаните кои бараат слобода на улиците. Ќе воведеме нови санкции поради смртта на Навални, изјави Аналена Бербок во Брисел, каде се одржува состанокот на министрите за надворешни работи на Европската унија (ЕУ).
И високиот претставник на ЕУ за надворешна политика и безбедност, Жосеп Борељ, најави дека Брисел ќе воведе санкции против Москва, бидејќи Путин има голема одговорност за смртта на Навални, пренесува Ројтерс.
