Министерот за внатрешни работи на Белорусија, Иван Кубраков, денеска соопшти дека земјата испратила специјални интервентни полициски сили и дополнителни трупи на границата со Украина, со цел да се зголеми безбедноста и да се спречи потенцијалниот продор на украинските војници на белоруска територија.

„Одделот ги анализираше акциите на вооружените сили на Украина во областа Курск во Русија, поради напнатата ситуација во близина на јужните граници на Белорусија, специјалните единици на полицијата за немири и внатрешните трупи беа распоредени во пограничната зона“, рече тој.

Кубраков истакна дека целта на ваквата акција е да се спречи влегување на „непријателот“ на белоруска територија, како и да се обезбеди безбедност на граѓаните, пренесува Интерфакс.