САД очекуваат да објават нова безбедносна помош за Украина во наредните денови, изјави портпаролот на Белата куќа Џон Кирби.

Кирби рече дека најавата за нова помош е очекувана откако Вашингтон минатата недела објави дека ќе испрати 5,9 милијарди долари воена и буџетска помош за Украина, како и дека состанокот на Контакт групата за одбрана за Украина ќе се одржи во Германија на 9 јануари.

„Можете да очекувате и најава за нова безбедносна помош за Украина во наредните денови“, рече Кирби, без да наведе повеќе детали.