Деветнаесет мажи се обвинети, а 13 австралиски деца се надвор од опасност по истрагата за софистицирана онлајн мрежа за злоставување на деца, соопшти Австралиската федерална полиција.

Истрагата започнала во 2022 година кога ФБИ обезбедиле информации за австралиски членови на мрежа која споделувала записи за злоупотреба на деца на dark-web. Учесниците го користеле софтверот за анонимно споделување датотеки, разговори на форуми и пристап до интернет страници во мрежата.  Австралиската полиција соопшти дека некои од засолнетите деца биле директно малтретирани, додека други биле засолнети како мерка на претпазливост.

– Истрагата, со кодно име Операција Бакис, беше можна само поради блиската соработка меѓу АФП и ФБИ, рече началничката на австралиската полиција Хелен Шнајдер.

Операцијата Бакис има свои корени во убиството на двајца агенти на ФБИ за време на поврзаната истрага во Флорида во 2021 година. После тоа, ФБИ започна меѓународна операција за пронаоѓање на насилниците на платформата. Досега се уапсени вкупно 79 лица од таа мрежа.