Во судир меѓу автобус и камион вчера во центарот на Мали загинаа 14 лица, а 29 се повредени, од кои девет се во тешка состојба, соопшти Министерството за транспорт.

Според Министерството, несреќата се случила околу 06:00 часот по локално време во општина Фана, при што е причинета голема материјална штета.

Автобусот сообраќал од Фана кон главниот град Бамако и се судрил со камион со приколка што се движел од спротивниот правец.

Отворена е истрага за утврдување на точните околности на оваа несреќа. Сообраќајните несреќи се чести во Мали и генерално се предизвикани од лошите услови на патиштата и возилата и човечката грешка.

Шеснаесет лица загинаа во судир на два автобуси во центарот на Мали на крајот на јули.