Не знам што ќе пишува во ревидираните историски читанки, ама приказната оди вака: Имаше седумнасет години. Тоа декемвриско утро 1942 година, Велешкиот партизански одред, во селото Нежилово, предаден, се судри со бугарската полиција и велешката контрачета. Нејзе тешко ја ранија, ѝ ја пресекоа главата и откако набиена на колец ја шетаа низ велешките села, ја поставија во излог во велешката чаршија.

Името и е Невена Георгиева – Дуња, а беше родена на денешен ден во 1925 година. Тоа име со гордост се спомнува, како мементо на еден горд народ, кој знеше да се разжести на првата сторена неправда, а не да го чува кубурот скриен за зло време!
Дечиња мили: Имајте став! Нека се тресе тлото под Вашите нозе! Никој не ги памети безличните котрачетници. Чувајте го несвенлив споменот на НЕВЕНА !