Милан ја победи Џенова со 0:1 и се искачи на врвот на табелата во Серија А, а во последните минути на голот на „росонерите“ беше Оливие Жиру. Тој беше во улога на голман откако Мајк Мањан доби црвен картон и Пиоли веќе ги имаше направено сите дозволени замени.

Французинот одлично се снајде во голманската улога, дури имаше и една храбра интевенција кога спречи Џенова да израмни.

„Имав одлична одбрана на крајот на натпреварот и горд сум на целиот тим. Се боревме како лавови. Последната одбрана? Беше како да сум дал гол. Ќе си го врамам овој дрес“, изјави Жиру.