– Фудбалерот на Реал Мадрид, Винисиус Жуниор треба да се појави пред суд во врска со расистичкиот скандал на натпреварот со Валенсија.

На натпреварот од 35. коло на Ла Лига против Валенсија, крилниот напаѓач на Реал Мадрид беше подложен на расистички навреди упатени од трибините. Комитетот за спортски натпревари при Шпанската фудбалска федерација ја казни Валенсија со 45 илјади евра и ја затвори навивачката трибина на „Местаља“, од која беше навредуван Винисиус Жуниор, на пет натпревари. Подоцна казната беше намалена на 27 илјади, а трибината беше затворена на три натпревари.

Претходно беше поведена истрага против тројца мажи на возраст од 18 до 21 година кои беа приведени поради сомнение дека сториле кривични дела од омраза.

Винисиус ќе мора да се појави во Високиот суд во Валенсија преку видеоконференција како оштетен. Датумот на рочиштето не е објавен.

Судот, исто така, побара од Валенсија да идентификува голем редари кои работеле на стадионот на денот на натпреварот за да ги повика да сведочат.