На натпреварот од француската четврта лига помеѓу екипите на Авранш и Гол, голманот на домашниот тим се прослави со два подвизи кои го направија хит низ Европа и на социјалните мрежи.
Името на овој херој е Ентони Буве.
Неговиот тим заостануваше кон крајот на натпреварот (0:1) кога судијата досуди пенал за гостите, па екипата на Гол имаше идеална можност да стави точка на победата.
Флоријан Распентино, поранешен играч на Марсеј, сакаше со стил да ја запечати судбината на својот ривал – се обиде да го матира Буве со „Паненка“.
Но, голманот на Авранш го прочита тој обид и го остави својот тим „жив“.
А потоа, во екот на драмата, по еден центаршут, веројатно последен на мечот, Буве со глава го матираше колегата на спротивната страна.
Фото/ Б92
INCROYABLE !!! Le but d’Anthony Beuve, le gardien d’Avranches (N1) en toute fin de match !!! 🤩
— Footballogue (@Footballogue) September 29, 2023
