Фудбалерите на Виљареал ја совладаа Осасуна со резултат 3:1 (0:0), на дебито на новиот тренер Марселињо.

Натпреварот на стадионот „Керамика“ беше решен во вториот дел, а со хет трик го одбележа напаѓачот на „жолтата подморница“, ветеранот Хозе Луис Моралес.

Првиот гол го постигна во 57. минута, а по 14 минути ја зголеми предноста на семафорот на 2:0.

Катена им донесе надеж на гостите од Памплона во 78. минута, но само две минути подоцна Моралес со својот трет гол го реши прашањето за победникот.

Виљареал го прескокна денешниот ривал и сега го зазема 12. место на табелата со 15 освоени бодови.

Осасуна има еден помалку и моментално е на 14. позиција.