Кошаркарите на Њујорк славеа во Тексас против Сан Антонио (105:95) и поведоа со 1-0 во финалната серија од НБА лигата.

Со 12-та последователна победа во плејофот, Никсите покажаа дека се способни да ја освојат својата прва титула од 1973 година.

Фактот дека Спарс имаа +13 во третата четвртина не им пречеше на гостите.

Успеаја да се вратат и да го завршат натпреварот со серија од 11:0, со која ги решија сите дилеми околу конечниот победник.

Џејлен Брансон ги предводеше Никс со 30 поени, Карл-Ентони Таунс имаше 18 поени, 12 скока и четири асистенции, Оу Џи Ануноби постигна 17 поени, а Џош Харт даде важен придонес со дури 15 скока.

Сан Антонио го предводеше Виктор Вембањама со 26 поени и 12 скока, Стефон Касл имаше 17 поени и осум скока, а Џулијан Шампењ имаше 16 поени и 10 скока.

Вториот натпревар е закажан за сабота во 2:30 часот, исто така во Тексас.

Foto/ EPA