Foto/ EPA

Фудбалерите на Јувентус ремизираа 1:1 со Интер во Торино во најголемото дерби на италијанскиот фудбал. По 13.рунди разликата на табелата остана иста, Интер има два бода повеќе од Јувентус.

Конечниот резултат во дербиот беше поставен по 33 минути игра, во динамичното прво полувреме, во кое двата тима покажуваа амбиции да нападнат.

Во вториот дел се водеше тактичка битка, а двата тима повеќе се грижеа да не примат отколку да постигнат гол.

Влаховиќ го постигна првиот гол на натпреварот. Во 27 минута одлично реагираше по додавањето од Киеза. За српскиот напаѓач ова беше петти гол во Серија А оваа сезона.

Радоста на домашните навивачи траеше само шест минути. Одлична контра повлече Тирам кој му ја додаде топката на Лаутаро Мартинез, а Аргентинецот во свој стил израмни за гостите од Милано.