Португалскиот напаѓач Жоао Феликс тренира индивидуално по враќањето во Атлетико Мадрид по Европското првенство.
Тој доби околу две недели да одмори, а потоа му се приклучи на матичниот клуб каде се врати од позајмицата од Барселона. Феликс, трагичарот на Португалија, во четвртфиналето против Франција, нема долго да остане на „Метрополитано“.
Феликс тренира индивидуално, бидејќи ниту Чоло Симеоне го сака, ниту пак тој има желба да остане во Мадрид. Уште порано е познато дека аргентинскиот стручњак и португалскиот напаѓач практично не се поднесуваат.
Астон Вила е клуб кој често се поврзуваше со Феликс, а бројни извори велат дека тоа е доста тешка операција за тимот од Бирмингем. Трансферот би бил можен само во случај Феликс да се согласи на драстично намалување на платата.
Да потсетиме, Атлетико за Феликс плати 127.000.000 евра во летото 2019 година кога дојде од Бенфика.
🚨 João Félix was sent to train separately at Atlético Madrid.
(🎥 @atletico_md) pic.twitter.com/od74lNhcvw
— Transfer News Live (@DeadlineDayLive) July 26, 2024
