Арон Ван-Бисака, повремениот англиски репрезентативец, по пет сезони го напушти Манчестер јунајтед, кариерата ќе ја продолжи во Вест Хем. Со клубот од Лондон потпиша седум годишен договор.

„Црвените ѓаволи“ се во голем минус кога е во прашање овој трансфер. Пред пет години на Кристал Палас за Ван Бисака му платија 55 милиони евра, а од неговата продажба во Вест Хем заработија 17,5 милиони евра.

Тен Хаг го има Диого Далот на десен бек, а парите од трансферот на Ван Бисака клубот ги вложи во Нусар Мазрауи од Баерн Минхен.

Што се однесува до Вест Хем, Ван-Бисака е петтото засилување во летниот преоден рок. Пред него дојдоа Макс Килман, Крисенсио Самервил, Никлас Филкруг и Луис Гилерме. Тимот има и нов тренер, тоа е Шпанецот Хулен Лопетеги.