Турската женска одбојкарска репрезентација, на домашен терен, ја одбранија континеталната титула.

Избраниците на селекторот Даниеле Сантарели го победија големиот ривал Италија со 3-2, по пресврт, во сетови 16:25, 25:22, 12:25, 25:21, 15:10).

Италијанките убедливо ги добија првиот и третиот сет и се чинеше дека се психолошки многу подобро подготвени од домашната екипа, но со помош на публиката, Турчинките го одиграа петтиот сет брилијантно и практично кога поведоа со 8:4 беше јасно дека гостинките нема да можат да стигнат до четвртата европска круна.

Мелиса Ваграс го предводеше својот тим до титулата со 28 поени, Зехра Ѓунеш имаше 12, а Ханде Баладин и Дерја Чебеџиоглу имаа по осум.

Кај Италијанките, кои не успеаја да стигнат до тројната круна по златото на Олимписките игри и Светското првенство, Паола Егона доминираше со 28 поени, Миријам Сила постигна 12, а Ана Данеси и Сара Фар постигнаа по 10.

Претходно, бронзениот медал го освои Србија. Србинките во „малото финале“ ја победија Полска со 3-1 (25:21, 25:19, 15:25, 25:18).

Русија е најуспешната земја со 19 титули, Србија и Италија имаат по три, Полска, Источна Германија и Турција по две, додека најдобри во Европа по еднаш биле Чехинките и Холанѓанките.