Манчестер сити ќе потпише договор со 18-годишниот бразилски централен бек Витор Реис од Палмеирас. Младиот фудбалер го прифатил договорот со англискиот шампион, а Палмеирас би требало да заработи околу 40 милиони евра.

Витор Реис во кариерата одигра 22 професионални натпревари и постигна два гола. Тој претходно одигра 16 натпревари за младинскиот тим на Палмеирас. Младиот дефанзивец, според „Трансфермаркт“ вреди 14 милиони евра. Важи за еден од најталентираните бразилски фудбалери и иден сениорски репрезентативец.

Може да игра и како десен бек, а неговиот талент за прв пат беше препознаен пред осум години од фудбалската школа на Робињо (Р10 академија) во Параиба.